Qytaıǵa astyq jetkizetin vagondar aınalymyn jedeldetý úshin ne isteledi

ASTANA. KAZINFORM – Kólik mınıstri Marat Qarabaev Qytaıǵa astyq jetkizetin vagondar aınalymyn jedeldetý úshin nendeı jumys istelip jatqanyn aıtty.

Senattyń jalpy otyrysynda depýtat Janbolat Júrgenbaev mınıstrden júk tasymaldaıtyn vagondar aınalymyn jyldamdatý úshin Qytaı tarapymen qandaı jumystardyń júrgizilip jatqanyn suraǵan edi.

«Byltyr Qytaıǵa astyq tasymaldaý 1 mln 300 myń tonnaǵa artty. ıAǵnı, 2 mln 100 myń tonna astyq jetkizildi. Onyń ishinde 1 mln 400 myń tonna astyq konteınermen tasymaldanǵan bolatyn. Máseleni sheshýdiń eki joly bar. Birinshiden, qytaılyq taraptyń ózinde astyq qabyldaıtyn arnaýly termınal salynyp jatyr. Biraq, onyń qurylysy kóp jyldan beri sozylyp ketti, aıaqtalmady. Bıyl qurylysy aıaqtalsa, onda astyq tasylmadaıtyn vagondarymyzdyń jyldam aınalymyna múmkindik beredi. Qytaı tarapymen sol termınaldyń qurylysyn tezdetý baǵytynda kelissóz júrgizip jatyrmyz», - dedi ol.

Onyń atap ótýinshe, Qytaıdan júk elimizge konteınerlermen jetkiziledi. Sol konteınerler bos qaıtpaýy úshin astyq tıeledi. 

«Biraq, ol shamaly qymbatqa túsedi. Degenmen, 2023 jyly onyń aldyndaǵy jylmen salystyrǵanda 630 myń tonnaǵa kóp astyq konteınermen tasymaldandy», - dedi Marat Qarabaev.