Qytaıǵa astyq eksporty 2,5 esege ósti - AShM
ASTANA. KAZINFORM - Qazaqstanda 2026 jylǵy qyrkúıektiń alǵashqy 20 kúninde astyq eksporty 10%-ǵa ósip, 674 myń tonnaǵa jetti. Bul týraly «QTJ» UK» aktsıonerlik qoǵamy málimet berdi.
Atap aıtqanda, Ózbekstanǵa 319 myń tonna astyq eksporttaldy. Bul ótken jyldyń sáıkes kezeńindegi kórsetkishten 20%-ǵa joǵary. Tájikstanǵa 116 myń tonna astyq jetkizilip, ósim 21%-dy qurady. Qytaıǵa eksporttalǵan astyq kólemi 101 myń tonnaǵa jetip, 2,5 esege artty.
Jalpy, 2026 jylǵy qyrkúıektiń alǵashqy 20 kúninde 852 myń tonna astyq tasymaldandy. Bul ótken jyldyń sáıkes kezeńimen salystyrǵanda 7%-ǵa artyq.
Sonymen qatar astyqty qaıta óńdeý ónimderiniń eksporty da ósip keledi. Qyrkúıektiń alǵashqy 20 kúninde un tartý ónimderin tasymaldaý kólemi 134 myń tonnany qurap, ótken jyldyń sáıkes kezeńimen salystyrǵanda 24%-ǵa artty.
Qazaqstan álemdik naryqta azyq-túliktiń senimdi jetkizýshisi retindegi ustanymyn turaqty túrde nyǵaıtyp keledi. 2025-2026 marketıngtik jyldyń qorytyndysy boıynsha astyq pen un eksporty astyq balamasynda 15,5 mln tonnany qurady.
Qazaqstandyq astyq ónimderiniń syrtqy naryqtardaǵy aýqymy keńeıip keledi. Eksporttyq jetkizilimder Ortalyq Azııa, Taıaý Shyǵys, Soltústik Afrıka jáne Eýropa elderine júzege asyrylady.
Bıyl da eksport qarqyndy damyp keledi.
Eksporttyq jetkizilimder kóleminiń ósýi qazaqstandyq ónimderdiń halyqaralyq naryqtardaǵy aýqymynyń keńeıip kele jatqanyn kórsetedi. Bul rette astyqpen qatar ony qaıta óńdeý ónimderiniń de eksport kólemi artyp otyr.
Osyǵan deıin astyqty óńirlerdiń bıyl qansha tonna ónim jınaıtyny týraly jazdyq.
