Qytaı–Eýropa poıyzdary arqyly 520 mlrd dollarlyq júk tasymaldandy
ASTANA. KAZINFORM — Qytaı–Eýropa júk poıyzdarynyń jalpy sany 130 myńnan asty, dep habarlaıdy Sınhýa.
Senbi kúni Qytaıdyń ortalyq bóligindegi Henan provıntsııasynyń Chjenchjoý qalasynan Germanııanyń Gambýrg qalasyna júk poıyzy jóneltildi.
Osylaısha, Qytaı–Eýropa halyqaralyq temirjol júk tasymaly baǵyttary iske qosylǵan sátten beri atalǵan qyzmet aıasynda jóneltilgen poıyzdardyń jalpy sany 130 myńnan asty.
Sonymen qatar, osy poıyzdar arqyly tasymaldanǵan júktiń jalpy quny 520 mlrd AQSh dollarynan kóp boldy.
Qazirgi ýaqytta Qytaıda Qytaı–Eýropa júk poıyzdary qyzmeti ashylǵan qalalar sany 129-ǵa jetti.
Bul baǵyttar Qytaıdy Eýropanyń 26 elindegi 235 qala jáne Azııanyń 11 elindegi 100-den astam qalamen baılanystyrady.
Osylaısha, transshekaralyq júk tasymalynyń bul túri Azııa men Eýropanyń derlik barlyq aýmaǵyn qamtyp otyr.
Buǵan deıin habarlanǵandaı, Beıjiń Vashıngtonnyń Qytaı munaı kompanııalaryna salǵan sanktsııasyna qarsy shyqty.
