Qytaıdyń JI naryǵy 2030 jylǵa qaraı 150 mlrd dollarǵa jetedi

BEIJІŃ. KAZINFORM – Qytaıdyń jasandy ıntellekt (JI) naryǵynyń quny 2030 jylǵa qaraı 154,8 mlrd dollardy quraıdy. Ol 2023 jylmen salystyrǵanda tórt ese ósedi. Bul týraly «Itsaı global» iskerlik basylymy habarlady. 

Habarlamaǵa sáıkes, qytaılyq JI naryǵy qunynyń qarqyndy ósýine ázirleýshilerdiń bilim, oıyn-saýyq jáne eńbek ónimdiligi sııaqty tabysty salalarǵa shyǵýy yqpal etedi.

Máselen, qytaılyq qysqametrajdy baǵdarlamalary úshin qosymshalary shetelde tez taralýda. Qytaıdyń qysqa metrajdy fılmge arnalǵan 40-tan astam qosymshasy dúnıe júzinde 55 mln-nan astam ret júktelip, 170 mln dollar tabys ákeldi. 

Basylymnyń jazýynsha, qysqametrajdy dramalyq fılmder naryǵynyń uzaq merzimdi quny 36 mlrd dollarǵa jetýi múmkin. 

2023 jyly qytaılyq mıkrodrama naryǵynyń kólemi 37,39 mlrd ıýandi (shamamen 5,31 mlrd dollar) quraǵan.

Aıta keteıik, 2025 jyldan bastap Qazaqstanda jasandy ıntellektini keńinen qoldanatyn jáne tsıfrlyq tehnologııalardy damytýǵa negizdelgen iri ulttyq ortalyq qurylady.