Qytaıdyń jetekshi munaı kompanııalary energetıka naryǵyndaǵy týrbýlenttilikke baılanysty saqtyq sharalaryn usyndy
ASTANA. KAZINFORM – Qytaıdyń jetekshi memlekettik energetıkalyq korporatsııalary – PetroChina, Sinopec jáne CNOOC munaı men gaz baǵasynyń buryn-sońdy bolmaǵan kóterilýinen keıin ınvestorlardy naryqtyq táýekelder týraly resmı túrde habardar etti, dep habarlaıdy Kazinform agenttiginiń Beıjińdegi tilshisi jergilikti BAQ-qa silteme jasap.
Úsh kompanııa Taıaý Shyǵystaǵy geosaıası jaǵdaıdyń ýshyǵýyna baılanysty qalyptan tys saýda qubylmalylyǵy baıqalyp otyrǵanyn atap ótti. Bul faktor olardyń aktsııalarynyń baǵasynyń 20%-ǵa nemese odan da kóp ósýine áser etti.
PetroChina kompanııasynyń operatsııalyq kórsetkishteri qalypty deńgeıde qalyp, salalyq erejelerde eleýli ózgerister bolmaǵany týraly habarlandy. Kompanııa basshylyǵy aǵymdaǵy jaǵdaıdy qysqa merzimdi baǵa boljamdarynyń joǵary belgisizdigimen baılanystyryp, álemdik suranys pen usynystyń teńgerimsizdigin atap kórsetti.
Sinopec pen CNOOC ókilderi halyqaralyq energetıka naryǵyndaǵy turaqsyzdyqqa baılanysty alańdaýshylyqtaryn bildirip, ınvestorlardy ınvestıtsııalyq sheshim qabyldaý kezinde táýekelderdi muqııat baǵalaýǵa shaqyrdy. Bul kompanııalar naryqtaǵy týrbýlenttilik jaǵdaıynda saqtyq sharalaryn kúsheıtýdi usyndy.
Buǵan deıin Qytaı Qazaqstanda taǵy birneshe energetıkalyq jobany iske asyratynyn habarlaǵan edik.
