Qytaıdyń Xiaopeng Motors kompanııasy jańa býyndaǵy IRON robotyn tanystyrdy
ShENЬChJENЬ. KAZINFORM —2026 jylǵy 31 qańtarda Qytaıdyń jetekshi tehnologııalyq kompanııalarynyń biri – Xiaopeng Motors (Qysqasha – Xpeng) Shenchjen shyǵanaǵynda alǵash ret oflaın rejımde IRON robotyn kópshilikke tanystyrdy, dep habarlaıdy Qytaı BAQ-tary.
Іs-shara barysynda IRON adamnyń is-qmyldaryn aınytpaı qaıtalap, kórermendermen naqty ýaqyt rejıminde daýystyq qarym-qatynas jasady. Buǵan kóptegen qala turǵyndary qyzyǵýshylyq tanytyp, aınalasyna jınaldy.
Kórsetilim kezinde IRON qulap ta qaldy. Biraq robot az ýaqyt ishinde aıaǵyna turyp, keıingi eki ret júrý jáne qarym-qatynas demonstratsııasyn sátti aıaqtady.
Kompanııa málimetinshe, IRON adam dene qurylymyn tolyq qaıtalaıtyn dızaın boıynsha jasalǵan: bıiktigi 178 sm, salmaǵy 70 kg. Qoldary adamnyń qol ólshemimen 1:1 masshtabta jasalyp, erkin qozǵala alady ári adamnyń júris qımyldaryn da dál qaıtalaıdy. Robottyń «mıy» Turing AI chıpimen jabdyqtalǵan, ol 3000T esepteý qýatyn qamtamasyz etedi. Bul chıp robotqa derekterdi jyldam óńdeý, úırený, oılaný, este saqtaý jáne qol-aıaq qımyldaryn óz betinshe basqarýǵa múmkindik jasaıdy.
Aıta keterligi, bıylǵy 8 qańtarda ótken «2026 Xiaopeng jahandyq jańa ónimder prezentatsııasynda» kompanııanyń bas dırektory He Sıaopen osy jyly fızıkalyq jasandy ıntellekt (AI) tehnologııasynyń naqty iske asyrylýy men jappaı óndiriske kóshý úderisi bastalatynyn málimdegen. Osyǵan sáıkes, kompanııa bıyl Robotaxi – tolyq avtonomdy júrgizýshisiz taksı qyzmetin iske qosýdy, sondaı-aq adam tárizdi robottar men ushatyn avtomobılderdi jappaı óndirýdi josparlap otyr.
Xiaopeng Motors (qytaısha: 小鹏汽车) – Qytaıdyń jetekshi jańa energııaly avtomobıl óndirýshileriniń biri. 2014 jyly qurylǵan kompanııa elektromobılder, ıntellektýaldy kólik júıeleri jáne avtonomdy júrgizý tehnologııalaryna mamandanǵan. Qazirgi tańda Xpeng brendi Qytaı naryǵynda ǵana emes, halyqaralyq deńgeıde de tanymal bolyp keledi. Kompanııa sońǵy jyldary jasandy ıntellektini avtomobıl ónerkásibine tereń ıntegratsııalaý jáne fızıkalyq AI baǵytynda (adam tárizdi robottar, ushatyn kólikter, Robotaxi) belsendi jumys istep jatyr.
Osyǵan deıin Qytaıda robottardyń basqa robottarǵa arnalǵan bólshekter shyǵara bastaǵany týraly jazdyq.