Qytaıdyń turǵyn úı naryǵynda jaldamaly baspana negizgi baǵyt bolady – Ortalyq bank

ASTANA. KAZINFORM – Qytaıdyń Ortalyq banki eldiń turǵyn úı naryǵynda jaldamaly baspanaǵa basymdyq beriletinin málim etti. 

Ortalyq bank esebinde elde jaldamaly baspana naryǵynyń áleýeti zor ekeni aıtylǵan. Túrli ınstıtýttar keleshekte bul elde baspana jaldaıtyn halyqtyń sany 200 mln adamnan boljap otyr.

«Naryqta baspana jaldaý operatsııalarymen aınalysatyn kásiporyndar barǵan saıyn kóbeıip keledi. Bul baspana jaldaý qyzmetiniń sapasyn arttyra túsedi. Qytaıdyń ortalyq banki memlekettik turǵyn úı qurylysyna sýbsıdııalaý sharalaryn kúsheıtip, mundaı jobalardy qaıta nesıelendirý tetigin qurdy. Maýsym aıynyń aıaǵyndaǵy jaǵdaı boıynsha, Qytaıdyń qarjy mekemeleri baspana jaldaýǵa 24,7 mlrd ıýan (shamamen 3,46 mlrd dollar) nesıe bergen. Ortalyq bank jaldamaly baspana naryǵyna nesıe beretin qarjy júıesin odan ári jetildire túsedi», - dep jazady «Sınhýa» agenttigi.