Qytaıdyń Tıbet aımaǵyndaǵy jer silkinisinen 16 adam qaza tapty
ASTANA. KAZINFORM — Qytaıdyń Tıbet avtonomııalyq aýdanynda magnıtýdasy 7,0 bolatyn jer silkinisi saldarynan keminde 16 adam qaza taýyp, taǵy 32 adam jaraqat aldy, dep habarlaıdy TASS.
Zardap shekken 11 adamnyń jaǵdaıy aýyr.
Aldyn ala málimet boıynsha, jer silkinisi saldarynan 300-den astam turǵyn úı qıraǵan.
Qazir oqıǵa ornynda jer silkinisiniń saldaryn joıý jumystary jalǵasyp jatyr. Mamandar qıraý aýqymy men keltirilgen shyǵyndy baǵalap jatyr.
Zardap shekkender men qıraǵan nysandar týraly aqparat naqtylanyp jatyr.
Buǵan deıin Qytaı aýmaǵynda magnıtýdasy 4,9 bolatyn jer silkinisi tirkelgen edi. Jerasty dúmpýleri 20 qazanda Astana ýaqytymen saǵat 05:56-da bolǵan. Jer silkinisiniń oshaǵy 17 shaqyrym tereńdikte ornalasqan.
