Qytaıdyń «soltústik polıýsinde» týrızm qarqyndy damyp keledi
ASTANA. KAZINFORM – Qytaıdyń soltústik-shyǵysyndaǵy Heılýntszıan provıntsııasynda ornalasqan Mohe qalasy qysqy týrızmniń erekshe múmkindikteri arqyly saıahatshylardy turaqty túrde tartýda. Bul týraly Sınhýa habarlady.
Mohe Qytaı Halyq Respýblıkasynyń eń soltústiktegi qalasy sanalady. Tabıǵı-klımattyq erekshelikteri men qystyń ózindik atmosferasynyń arqasynda qala «Qytaıdyń soltústik polıýsi» degen ataýǵa ıe bolǵan.
Qysqy týrızm aıasynda usynylatyn erekshe tájirıbe – qatań aıaz, qarly peızajdar, soltústik tabıǵattyń kórinisteri men jergilikti mádenıet elementteri – ishki jáne sheteldik týrısterdiń qyzyǵýshylyǵyn arttyryp otyr. Sonyń nátıjesinde Mohe sońǵy jyldary qys mezgilinde kelýshiler sany boıynsha turaqty ósim kórsetip keledi.
Aıta keteıik, Qytaılyq CAS Space ǵaryshtyq týrızmge arnalǵan sýborbıtaldy apparatty sátti synady.