Qytaıdyń soltústik-batysynda jer silkindi

ASTANA. KAZINFORM — Beısenbi kúni Qytaıdyń Shyńjań-Uıǵyr avtonomııalyq aýdanynda 6,0 baldyq jer silkinisi boldy, dep habarlaıdy Sınhýa aqparat agenttigi. 

Qytaı seısmologııalyq jelileri ortalyǵynyń habarlaýynsha, jerasty dúmpýi Qyzylsý-Qyrǵyz avtonomııalyq okrýginiń Aqshy ýezinde tirkelgen.

Vedomstvo málimetinshe, jer silkinisiniń epıtsentri 41,13 gradýs soltústik endik pen 78,40 gradýs shyǵys boılyq koordınattarynda ornalasqan. Tereńdigi 10 shaqyrymdy qurady.

Qaza bolǵandar men qıraý týraly eshqandaı habarlama túsken joq.

Eske salaıyq, Almatyda búgin, 4 jeltoqsanda jer silkindi. 

Jer asty dúmpýiniń oshaǵy Almatydan ońtústik-shyǵysqa qaraı 277 shaqyrym qashyqtyqta, Qytaı aýmaǵynda ornalasqan. Almatyda dúmpýler MSK-64 shkalasy boıynsha 3 ball deńgeıinde sezildi.

Almaty tótenshe jaǵdaılar departamenti ókilderi qalada tirkelgen jer silkinisine qatysty túsinik berdi.