Qytaıdyń soltústik-batysynda magnıtýdasy 5,1 jer silkinisi boldy
ASTANA. KAZINFORM – Qytaıdyń soltústik-batysyndaǵy Tsınhaı provıntsııasynda magnıtýdasy 5,1 jer silkinisi tirkeldi, dep habarlaıdy Xinhua agenttigi Qytaıdyń seısmologııalyq jeliler ortalyǵyna (CENC) silteme jasap.
Jerasty dúmpýi 4 qyrkúıek kúni Beıjiń ýaqyty boıynsha saǵat 01:04-te Tsınhaı provıntsııasynyń Haısı-Mońǵol-Tıbet avtonomııalyq okrýginde bolǵan.
– Jer silkinisiniń epıtsentri soltústik endiktiń 37,84 gradýsy men shyǵys boılyqtyń 95,59 gradýsy túıisken núktede ornalasqan. Jerasty dúmpýiniń oshaǵy 10 shaqyrym tereńdikte boldy, – dep málimdedi Qytaıdyń seısmologııalyq jeliler ortalyǵy.
Ázirge zardap shekkender men qıraǵan nysandar týraly aqparat túsken joq.
Aıta keteıik, Egeı teńizinde magnıtýdasy 4,1 baldyq jer silkinisi boldy.
