Qytaıdyń soltústigindegi 1000 jyldyq qabirden máıit tasıtyn arba tabyldy

ASTANA. KAZINFORM — Qytaı arheologtary Qytaıdyń soltústigindegi Іshki Mońǵolııa avtonomııalyq aımaǵyndaǵy ejelgi qabirdiń janyna kómilgen máıit salatyn arbany tapty. Bul jańalyq Lıao áýleti kezindegi tarıh pen jerleý rásimderin zertteý úshin óte mańyzdy (916-1125), dep jazady Sınhýa. 

Іshki Mońǵolııa avtonomııalyq aýdanynyń Mádenı mura jáne arheologııa ınstıtýtynyń habarlaýynsha, aǵash arba Týnlıao qalasynyń Kaılý okrýgindegi aqsúıekter qabiriniń janyndaǵy jerleý qoımasynyń shuńqyrynan tabyldy. 

"Arbanyń uzyndyǵy 7 m, eni 2 m-den asady, bul salystyrmaly túrde sırek kezdesetin ólshem", - deıdi qabirdi qazýǵa qatysqan okrýg murajaıynyń dırektory Kaılý Ma Haı.

Shuńqyrdan arbadan basqa 30-dan astam zat tabyldy, onyń ishinde altyn jalatylǵan qola qońyraýlar, qola shashaqtar, kúmis taqtalar jáne t.b.bar.

Tarıhshylardyń aıtýynsha, kúıme bir kezderi jerleý aldynda tabytty qabirge aparý úshin kólik retinde paıdalanylǵan jáne ol Lıao áýletiniń negizin qalaǵan kıdandardyń erekshe kisi jerleý tájirıbesi týraly túsinik beredi.