Qytaıdyń ishki jalpy ónimi birinshi toqsanda 5,4%-ǵa ósti

ASTANA. KAZINFORM – Qytaıdyń jalpy ishki ónimi (JІÓ) 2025 jyldyń birinshi toqsanynda ótken jyldyń sáıkes kezeńimen salystyrǵanda 5,4 paıyzǵa ósti. Bul týraly sársenbi kúni QHR Ulttyq statıstıkalyq basqarmasynyń (USB) málimeti kórsetti, dep habarlaıdy Kazinform menshikti tilshisi. 

Osy kezeńde eldiń jalpy ishki ónimi 31,8758 trln ıýanǵa (shamamen 4,42 trln) jetti, dep keltirdi Xinhua agenttigi Ulttyq statıstıkalyq basqarma derekterin.

Qytaıdyń jalpy ishki ónimi 2024 jyly jyldyq esepteýde 5%-ǵa ósti, al bıyl Qytaı basshylyǵy jyl boıy ekonomıkalyq ósimdi shamamen 5%-ǵa jetkizý maqsatyn qoıdy. 
Sársenbide Qytaı bıligi eldiń ishki suranys pen ekonomıkalyq ósimdi arttyrýǵa baǵyttalǵan kúsh-jigeriniń bir bóligi – 2025 jyly qyzmetterdi tutynýdy arttyrý boıynsha jumys josparyn jarııalady.

QHR Saýda mınıstrligi men basqa segiz úkimettik vedomstvonyń birlesip ázirlegen jospar tutynýshylarǵa qyzmet kórsetýdi keńeıtýge, qyzmet kórsetý sapasyn jaqsartýǵa jáne sektordyń ósý áleýetin ashýǵa baǵyttalǵan. 

Jospar qyzmetterdiń negizgi sektorlaryn da, bıznestiń jańa nysandaryn jáne tutynýdyń jańa stsenarıılerin qamtıtyn keń aýqymdy sektorlar úshin 48 naqty sharany usynyp otyr. 
Eske sala ketsek, Donald Tramp Qytaıǵa baj salyǵyn 145 paıyzǵa deıin kóterdi. 

Al Qytaı AQSh taýarlaryna baj salyǵyn 125 paıyzǵa deıin kótergenin jazǵan bolatynbyz.