Qytaıdyń shyǵysyndaǵy qaraýsyz qalǵan shahtada 5 adam qaza tapty

ASTANA. KAZINFORM — Qytaıdyń shyǵysyndaǵy Fýtszıan provıntsııasynyń ıÝsı ýezindegi qaraýsyz qalǵan shahtaǵa kirip ketken 5 adamnyń qaza tapqany rastaldy, dep habarlaıdy Sınhýa.

Jeksenbi kúni shamamen tańǵy saǵat 9:50–de okrýgtiń órt sóndirý jáne qutqarý qyzmetine Banmıan qalashyǵyndaǵy shahtaǵa 5 adam kirip, olarmen baılanys úzilgeni týraly habarlama túsken. Oqıǵa ornyna dereý qutqarý toptary jóneltilip, izdeý-qutqarý jumystaryn júrgizdi.

Saǵat 13:20–da beseýi de tabylyp, aýrýhanaǵa jetkizildi. Alaıda bir jarym saǵattan keıin barlyǵy qaıtys bolǵandyǵy anyqtaldy.

Oqıǵanyń sebepterin anyqtaý úshin tergeý jumystary bastaldy.

Aıta keteıik, buǵan deıin Qytaıdyń ońtústiginde «Matmo» taıfýny saldarynan turǵyndar jappaı kóshirilip jatqandyǵy týraly jazǵan bolatynbyz.