Qytaıdyń shyǵysynda kólik toǵanǵa qulap, 8 adam mert boldy
ASTANA. KAZINFORM — Qytaıdyń shyǵysyndaǵy Tszıansı provıntsııasynyń Pentszy okrýginde avtokólik toǵanǵa qulap, 8 adam qaza tapty. Bul týraly jergilikti polıtsııa habarlady, dep jazdy Sınhýa.
Aýdandyq qoǵamdyq qaýipsizdik basqarmasynyń málimetinshe, qaıǵyly oqıǵa seısenbi kúni saǵat 16:00 shamasynda aýyldaǵy tas jolda bolǵan. Kólikti 49 jastaǵy áıel basqarǵan. Avtkólik jol boıyndaǵy toǵanǵa túsip ketip, júrgizýshimen birge 8 jolaýshy da mert boldy.
Oqıǵa ornyna polıtsııa, órt sóndirýshiler men medıtsına qyzmetkerleri dereý jetti. Qazir tergeý amaldary júrgizilip jatyr.
Buǵan deıin Kolýmbııada mektep avtobýsynyń apatynan 17 oqýshy qaza taýyp, 20-sy jaraqat alǵany týraly jazǵan bolatynbyz.
Sondaı-aq Aqtóbe oblysynda da avtobýs aýdarylyp, 5 adam kóz jumdy. Oqıǵa Samara–Shymkent tasjolynda bolǵan.
