Qytaıdyń Shansı provıntsııasynda bolǵan jarylystan 17 adam jaralandy
ASTANA. KAZINFORM — 30 sáýir kúni saǵat 13:17 shamasynda Qytaıdyń Shansı provıntsııasy, Taııýan qalasyndaǵy turǵyn úı aýdanynda jarylys boldy.
Sınhýa agenttiginiń habarlaýynsha, jarylystan 17 adam jaralanǵan, onyń ishinde 4 adam aýyr jaraqat aldy. Al 3 adam emdelgen soń úılerine jiberildi.
Órt sóndirý-qutqarý qyzmetkerleri jarylys bolǵan ǵımaratqa kirip, ár páterdi tekserip júr. Qutqarý jumystary áli jalǵasyp jatyr.
Áleýmettik jelilerde taraǵan vıdeolardan qalyń tútinniń jan-jaqqa taralyp jatqanyn, jaqyn mańdaǵy turǵyn úılerdiń áınekteriniń synǵanyn jáne birneshe kóliktiń órtengenin kórýge bolady.
Eske sala keteıik, buǵan deıin Úndistanda qonaqúı órtengenin, 14 adam qaza tapqanyn jazǵan edik.
太原小區爆炸。 pic.twitter.com/u8BrAGQSWP
— ying tang (@yingtan04410735) April 30, 2025
