Qytaıdyń Ortalyq Azııamen saýda aınalymy 2024 jyly rekordtyq kórsetkishke jetti

ASTANA. KAZINFORM — Qytaıdyń Ortalyq Azııa elderimen taýar aınalymy 2024 jyldyń qorytyndysy boıynsha 94,82 mlrd dollardy qurady, dep habarlaıdy Kazinform menshikti tilshisi.

Buǵan Qytaı Halyq Respýblıkasynyń Bas keden basqarmasy jarııalaǵan málimetter dálel.

Qytaıdyń Ortalyq Azııadaǵy saýda seriktesteri reıtınginde Qazaqstan birinshi orynda — 43,82 mıllıard dollar, Qyrǵyzstan ekinshi orynda (22,71 mıllıard dollar), úshinshi orynda Ózbekstan (13,78 dollar), Túrikmenstan tórtinshi orynda (10,65 mıllıard dollar). Úzdik bestikti 3,86 mıllıard dollarmen Tájikstan túıindedi.

2023 jyly Qytaıdyń Ortalyq Azııa elderimen taýar aınalymy 89,4 mlrd dollardy qurady.

Aıta keteıik, Qytaıdyń basqa eldermen saýda kólemi 2024 jyly 6,16 trln dollarǵa jetken. Qytaıdyń saýda profıtsıti 1 trıllıon dollarǵa jýyqtady.

Buǵan deıin Qytaı Ortalyq Azııa elderimen birlesip ónerkásiptik kooperatsııany damytýǵa nıetti ekeni habarlandy.