Qytaıdyń ońtústik-batysynda sý tasqynynan keıin segiz adamnyń máıiti tabyldy

ASTANA. KAZINFORM — Qytaıdyń ońtústik-batysyndaǵy Sychýan provıntsııasynda nóser jaýyn saldarynan 30-dan astam adam iz-túzsiz joǵalyp ketti. Sý tasqynynan keıin qutqarýshylar segiz adamnyń máıitin taýyp, tórt adamdy qaýipsiz jerge jetkizdi. Bul týraly Sınhýa agenttigi jazdy.

Tabıǵat apaty senbi kúni saǵat 02:30 shamasynda boldy. 40-tan astam úıge zaqym keltirip, ıAan qalasynyń Hanıýan okrýgine qarasty Sınhýa aýylynyń 1254 turǵyny zardap shekti, dep habarlady jergilikti bılik.

Oqıǵa ornyna dereý 443 qutqarýshy jiberildi. Qazirdiń ózinde joldar men baılanys jartylaı qalpyna keltirilip, zardap shekkenderge shuǵyl medıtsınalyq kómek kórsetildi.

Qutqarý operatsııasy jalǵasyp jatyr.