Qytaıdyń ońtústik-batysynda 4,7 magnıtýdaly jer silkinisi boldy

ASTANA. KAZINFORM — Ońtústik-Batys Qytaıdaǵy Sıtszan avtonomııalyq aýdanyndaǵy Nagchý qalasynyń Shýanhý ýezinde seısenbi kúni tańerteń saǵat 08:03-te 4,7 magnıtýdaly jer silkinisi tirkeldi, dep habarlaıdy Sınhýa.

Bul týraly Qytaıdyń seısmologııalyq qyzmetteri habarlady.

Zilzalanyń epıtsentri 33,97° soltústik endik pen 87,77° shyǵys boılyqta ornalasqan, tereńdigi — 10 shaqyrym jerde ornalasqan. Epıtsentrden 50 km radıýsta ákimshilik ortalyqtar men eldi mekender joq.

— Biz jer silkinisi týraly aqparat túsken boıda jaǵdaıdy dereý baǵalap shyqtyq. Qazirgi sátte qaza tapqandar men jaraqat alǵandar, sondaı-aq materıaldyq shyǵyndar týraly málimet joq, — dep habarlady Shýanhý ýeziniń tótenshe jaǵdaılar basqarmasy.

Osyǵan deıin Túrkııada úsh kúnde 900-ge jýyq jer silkinisi tirkelgenin jazǵan edik.