Qytaıdyń ońtústigindegi sý tasqynynan 159 adam qaza tapty
ASTANA. KAZINFORM — Qytaıdyń ońtústigindegi Gýansı-Chjýan avtonomııalyq aýdanynda «Maısak» taıfýnynan bolǵan sý tasqynynan kem degende 159 adam qaza taýyp, taǵy 10 adam iz-túzsiz joǵalyp ketti, dep habarlaıdy agenttiktiń Beıjińdegi tilshisi Sınhýa agenttigine silteme jasap.
Apat aımaqtyń 16 ýezindegi 1,65 mıllıonnan asa turǵynǵa áser etti.
Nannın bıligi 6-12 aı ishinde qala ınfraqurylymy men qalypty ómir jaǵdaıyn qalpyna keltirýdi josparlap otyr. Gýıganda turǵyn úılerdi jóndeý, óndiristi qaıta jandandyrý jáne sý qoımalaryn nyǵaıtý basymdyqqa ıe.
Shilde aıynyń basynda taıfýn aımaqqa uzaqqa sozylǵan nóser jaýyn ákelip, Lıýlan jáne ıÝnbıao sý qoımalarynyń bógetteri buzyldy. Sonyń saldarynan aýqymdy apat boldy.
Buǵan deıin Qytaıda «Dolfın» taıfýnyna baılanysty júz myńdaǵan adam evakýatsııalanǵany habarlandy.
