Qytaıdyń ońtústiginde tas joldyń bir bóligi opyrylyp, 18 kólikti topyraq basyp qaldy

ASTANA. KAZINFORM - Úıindi astynan 31 adam shyǵarylyp, aýrýhanaǵa jatqyzyldy. Bul týraly Sınhýa agenttigi habarlady.

Qytaıdyń ońtústigindegi Gýandýn provıntsııasynda tas joldyń bir bóligi opyrylyp, 18 kólik úıindi astynda qaldy.

Oqıǵa sársenbige qaraǵan túni Meıchjoý qalasynda bolǵan. Oqıǵa ornyna jetken qutqarýshylar úıindi astynan 31 adamdy alyp shyqty. Zardap shekkender aýrýhanaǵa jetkizildi.

Úıindini qazý jumystary jalǵasyp, oqıǵanyń sebebin anyqtaý jumystary júrgizip jatyr.