Qytaıdyń ońtústiginde kóshkin júrip, úsh adam kóz jumdy

ASTANA. KAZINFORM — Qytaıdyń ońtústigindegi Gýandýn provıntsııasynda kóshkin júrip, saldarynan úsh adam qaza taýyp, bir adam iz-tússiz joǵaldy, dep habarlaıdy Sınhýa.

Qaıǵyly oqıǵa jeksenbi kúni tańǵy saǵat 07:00 shamasynda Gaochjoý qalasyna qarasty Pıntoýgan aýylynda bolǵan. Tabıǵı apat saldarynan úsh qabatty bir ǵımarat qırap, jeti adam úıindi astynda qalyp qoıǵan.

Qutqarý toptary alty adamdy taba aldy. Alaıda, medıtsınalyq kómekke qaramastan, olardyń úsheýi aýrýhanada qaıtys boldy. Qalǵan úsh adamnyń jaǵdaıy turaqty dep baǵalanyp otyr.

Qazirgi ýaqytta izdestirý-qutqarý jumystary jalǵasyp jatyr.

Buǵan deıin habarlanǵandaı, Qytaıdaǵy túngi bazarda atys bolyp, eki adam qaza tapty.