Qytaıdyń ońtústiginde kópqabatty úıde jarylys boldy
ASTANA. KAZINFORM – Qytaıdyń ońtústigindegi Gýandýn provıntsııasynyń Shenchjen qalasynda kópqabatty turǵyn úıde jarylys boldy. Bul týraly «Penpaı» basylymy habarlady.
Oqıǵa saldarynan zardap shekkenderdiń sany áli belgisiz.
Tótenshe jaǵdaı 11 jeltoqsanda Shenchjen qalasynyń aýdandarynyń birinde boldy. Oqıǵa ornyna 16 arnaıy tehnıka men 80 órt sóndirýshi kelgen.
Basylymnyń málimetinshe, órt kópqabatty úıdiń birneshe qabatyn sharpyǵan.
Turǵyn úı kesheni 2017 jyly paıdalanýǵa berilgen. Shenchjenniń osy aýdanyndaǵy turǵyn úıdiń bir sharshy metriniń quny shamamen 200 myń ıýan (27 myń dollardan astam) quraıdy.
Jarylystyń sebebin anyqtaý jumystary júrgizilýde.
Osyǵan deıin habarlaǵanymyzdaı, Qytaıdaǵy japondyqtarǵa kópshilik aldynda japon tilinde sóılemeý kerektigi eskertildi.