Qytaıdyń ońtústiginde kóktem merekesi qarsańynda qalyń qar jaýady

ASTANA. KAZINFORM - Sársenbi kúni Qytaıdyń ońtústiginde qalyń qar men jańbyr jaýady dep boljanyp otyr. Bul týraly Qytaı Halyq Respýblıkasynyń Ulttyq meteorologııalyq qyzmetinen habarlady.

Boljam boıynsha, Gýıchjoý, Hýbeı, Anhoı, Hýnan, Tszıansı jáne Chjetszıan provıntsııalarynyń keı jerlerine, sondaı-aq Qytaıdyń Chýntsın megapolısinde qalyń qar túsedi. Burqasyn saldarynan joǵaryda atalǵan provıntsııalardyń keıbir aýdandarynda jaýyn-shashyn mólsheri 18 sm-den asýy múmkin.

Sınoptıkter sársenbiden beısenbige qaraı Qytaıdyń ońtústigindegi birneshe provıntsııada temperatýranyń rekordtyq deńgeıde tómendeıtinin eskertti.

31 qańtar men 5 aqpan aralyǵynda osyndaı jaýyn-shashyn tsıklony Qytaıdyń 2,5 mln sharshy shaqyrymnan astam aýmaǵyna áser etti.

Qytaı bıligi seısenbide qar, jańbyr men qatqaq saldarynan bolǵan tabıǵı apattan zardap shekken provıntsııalardaǵy jol qozǵalysyn qalpyna keltirýge shamamen 20 mln dollar bóldi.

Eske sala ketsek, 10 aqpanda Qytaı aı kúntizbesi boıynsha dástúrli Jańa jyldy (Chýntsze, kóktem merekesi) merekeleıdi.