Qytaıdyń «Neja 2» fılmi álemdik kassa boıynsha jańa rekord ornatty

ASTANA. KAZINFORM — Qytaılyq anımatsııalyq fılm prokatta 168 mln dollardan astam tabys taýyp, álemdik rekord ornatty, dep habarlaıdy Sınhýa aqparat agenttigi.

Қытайдың «Нежа 2» анимациялық фильмі әлемдік касса бойынша жаңа рекорд орнатты
Фото: Синьхуа

Qytaı mıfologııasyna beıimdelgen «Neja 2: Іbilis balalarynyń muhıttaǵy shaıqasy» anımatsııalyq fılminiń jıyntyq kassasy (kórsetilimder men aldyn ala satylymdardy qosqanda) 12,3 mlrd ıýannan asyp(shamamen 168 mln dollar), Gollıvýdtyń «Inside Out 2» anımatsııalyq fılmin basyp ozdy jáne álemdik anımatsııalyq fılmder kassasy tiziminde birinshi oryndy ıelendi. 

Bul Azııa tarıhyndaǵy mundaı nátıjege qol jetkizgen alǵashqy «gollıvýdtyq emes fılm».

Sonymen qatar bul Qytaı kınolarynyń tarıhyndaǵy 10 mlrd ıýannan astam kassa jınaǵan alǵashqy fılm.

«Neja 2» hıkaıasy Qytaıdyń dástúrli mıfteri men ańyzdaryna negizdelip, batyr balanyń taǵdyr men erik-jiger tóńireginde tańdaýyn baıandaıdy.

Qytaı aqparat quraldarynyń habarlaýynsha, bul fılmdi túsirýge barlyǵy 138 anımatsııalyq kompanııa men 4000-nan astam anımator qatysqan.

Fılmdi túsirýge 5 jyl ketti.

2025 jylǵy «Qytaı anımatsııa ındýstrııasynyń aq qujatyna» sáıkes, Qytaı álemdegi eń iri anımatsııa óndirisiniń bazalarynyń birine aınaldy jáne 3D anımatsııasynda, kórneki arnaıy effektilerde jáne basqa salalarda mol tájirıbe jınaqtaǵan.

Osyǵan deıin Qytaı pedıatrlary dıagnoz qoıý men emdeý protsesinde jasandy ıntellektini paıdalanatynyn jazǵan edik.

Сейчас читают