Qytaı qorǵanys mınıstrligi Taıvanǵa eskertý jasady: Erte me, kesh pe senderdi qaıtaryp alamyz
ASTANA. KAZINFORM - Qytaı qorǵanys mınıstrliginiń aqparat bıýrosynyń dırektory jáne ulttyq qorǵanys mınıstrliginiń baspasóz hatshysy Ý Tsıan beısenbi kúni (27 aqpan) baspasóz máslıhatynda Taıvannnyń bıylǵy shildede aýqymdy áskerı jattyǵýlar ótkizý josparyn synǵa aldy.

Taıvan aqparat quraldarynyń habarlaýynsha, Taıvan 2025 jyldyń shilde aıynda «Han Kýang 41» atty aýqymdy áskerı jattyǵý ótkizýdi josparlap otyr. Oqý-jattyǵý 10 kúnge sozylady, jattyǵýǵa 3 myńnan astam sarbaz qatysady. Derekkózder jattyǵýdyń AQSh-tan áskerı keńes alǵanyna nazar aýdardy.
Bul jańalyqqa jaýap retinde Qytaı qorǵanys mınıstrliginiń baspasóz hatshysy: «Taıvan máselesi — Qytaıdyń ishki isi, ol syrtqy elderdiń aralasýyna jol bermeıdi» dep basa aıtty.
Qytaı Qorǵanys mınıstrliginiń ókili AQSh-tyń Taıvan bıligin arandatý arqyly Qytaıdy buzý jáne shekteý áreketiniń nátıjege jetpeıtinin jáne AQSh-tyń aqyrynda shyǵynǵa ushyraýyna sebep bolatynyna nazar aýdardy.
Ol sondaı-aq Taıvan bıligine «táýelsizdikke» jetý úshin Amerıka Qurama Shtattarynyń kúshine sene alamyz dep elestetýden aýlaq bolýdy eskertti.
Mundaı kózqaras - óz kúsh-qýatyn asyra baǵalaý jáne tek ózin-ózi joıýǵa ákeledi. Erte me, kesh pe senderdi qaıtaryp alamyz, - dedi ol.
Qytaı AQSh-ty departament saıtyndaǵy Taıvanǵa qatysty qate málimetti túzetýge shaqyrǵan edi.