Qytaıdyń qazirgi qaýipsizdigi qandaı deńgeıde
BEIJІŃ. KAZINFORM – Qytaı ulttyq qorǵanys mınıstrligi saıtynyń habarlaýynsha, Qytaı Halyq azattyq armııasy men qarýly polıtsııa kúshteri delegatsııasynyń baspasóz hatshysy Ý Tsıan Qytaıdyń 14-shi halyq quryltaıynyń ekinshi otyrysynda BAQ ókilderine Qytaıdyń qaýipsizdik jaǵdaıy barǵan saıyn turaqsyz bolyp barady. Al áskerı kúres mindetteri aýyr dep málimdedi.
Qytaı ulttyq qorǵanys mınıstrliginiń ókili ulttyq qorǵanys – el men ulttyń aman qalýy men damýynyń qaýipsizdik kepili ekenin aıtty.
«Qazir álem júz jylda bolmaǵan orasan zor ózgeristermen betpe-bet kelip otyr. Saıası daýlar men áskerı qaqtyǵystar halyqaralyq deńgeıde kóptegen jerde boldy, Qytaıdyń ishki separatıstik kúresi de óte kúrdeli», - dedi ol.
Ý Tsıan Qytaı úkimetiniń ulttyq qorǵanys qurylysyna salıqaly kózqaras tanytyp, áskerı shyǵyndar men ulttyq ekonomıka arasyndaǵy úılestirýdi qamtamasyz etetinin basa aıtty.
Ol sondaı-aq AQSh sııaqty áskerı derjavalarmen salystyrǵanda Qytaıdyń áskerı shyǵyndary óziniń ishki jalpy ónimi men qarjysymen salystyrǵanda óte tómen deńgeıde, jan basyna shaqqandaǵy áskerı shyǵyndar AQSh sııaqty iri elderge qaraǵanda áldeqaıda tómen ekenin qosty.
5 naýryzda jarııalanǵan Qytaı úkimetiniń jumysy týraly esep Qytaıdyń 2024 jyly qorǵanys shyǵyndary bıýdjetin 7,2 paıyzǵa arttyryp, 1 665 mıllıard ıýanǵa jetkizetinin kórsetti.
Sondaı-aq baıandamada Qytaıdyń 2024 jyly áskerı daıyndyqty jan-jaqty kúsheıtip, naqty shaıqasqa daıyndalatyny basa aıtyldy.