Qytaıdyń qazaqtar mekendeıtin Altaı aımaǵy jaıly ne bilemiz
Orta Azııa memleketteri men Reseı buqaralyq aqparat quraldary ókilderine arnaıy uıymdastyrylǵan baspasóz týry barysynda jýrnalıster Altaı aımaǵyn meken etken halyqtyń tynys-tirshiligimen tanysty, dep habarlaıdy Kazinform.
Altaı — QHR Shyńjań Uıǵyr avtonomııa aýdanynyń Іle Qazaq avtonomııa oblysyna qarasty ákimshilik aımaq.
Sońǵy resmı derekterge súıensek, halyq sany — 668 600 adam. Segiz ulttyń ókili turady.
Ortalyǵy — Altaı qalasy. Ákimshilik jaǵynan 6 ýezge bólinedi.
Ǵalymdardyń dáleldeýinshe, qarda shańǵy tebý mádenıeti osy ólkeden bastaý alǵan. Sondyqtan bolar, altaılyqtardyń shańǵy jasaý ádisi de, qoldanylýy da erekshe.
Sheberler ony taza tabıǵı ónimnen daıyndaıdy. ıAǵnı, bes jastan asqan jylqy terisi men jas samyrsyn nemese qaıyn aǵashyn qoldanady.
Budan bólek, Altaıda túrli qolóner ortalyqtary men sheberhanalar óte kóp.
Sonyń biri — «Toqsan segiz» kórkemsýret stýdııasy. Munda qysh, saz balshyq jáne sýret bólimi bar.
Stýdııa jetekshisi ıÝan Venıýı qysh mádenıeti — kóne óner túri ekenin atap ótti. Sazbalshyqtan ártúrli turmystyq zattar jasaýǵa bolady.
«Qysh, sazbalshyq óneriniń adamǵa berer paıdasy zor. Balshyq tabıǵı mıneraldarǵa baı. Onyń quramyndaǵy kaltsıı elementteri alaqan arqyly adam aǵzasyna taraıdy», — deıdi ıÝan Venıýı.
Sonymen qatar Altaı qalasynda úsh qabatty áleýmettik ortalyq jumys isteıdi.
Munda kelýshilerge tegin qyzmet kórsetiledi. Máselen týrıster ózderine qajetti aqparatty ala alady.
Qala turǵyndarynyń bos ýaqytyn tıimdi ótkizý úshin bar jaǵdaı jasalǵan. Kitaphana, kınozal men dombyra úıirmesi de bar.
Altaı — sıqyrly qala. Onyń ásemdigi tańǵajaıyp taýlarymen ǵana shektelmeıdi.
Joǵaryda atap ótkenimizdeı shahar mádenı qundylyqtarǵa baı.
Qalanyń ortasynda Qyran ózeni aǵyp jatyr. Boıynda túrli meıramhanalar men tarıhı ǵımarattar ornalasqan.
Turǵyndardyń negizgi aınalysatyn kásibi — egin jáne mal sharýashylyǵy.
