Qytaıdyń Qazaqstanǵa arnap shyǵarǵan alǵashqy teplovozy jetkizilýge daıyn

ASTANA. KAZINFORM - Qytaıdyń Tsındao qalasynda Qazaqstan úshin arnaıy shyǵarylǵan Qytaıdyń birinshi magıstraldyq júk teplovozy (TE36A úlgisi) Qazaqstanǵa jetkizilýge daıyn. Bul týraly Qytaıdyń CCTV telearnasy habarlady.

Teplovozytyń maksımaldy jyldamdyǵy saǵatyna 120 shaqyrymdy quraıdy, ol kúshti qýattylyq, jel men qumǵa, aıazǵa tózimdilik, ekologııalyq standarttarǵa sáıkes jáne jumys kórsetkishteri halyqaralyq ozyq deńgeıge jetti.

Sondaı-aq qytaılyq óndirýshi lokomotıv kabınasynyń dızaınyn arnaıy ońtaılandyrdy jáne paıdalaný shemasy paıdalanýshynyń júrgizý ádetterine sáıkes keledi.

Teplovoz Qazaqstandaǵy Dostyq stansasyna jeltoqsan aıynyń ortasyna deıin jetedi dep kútilýde. Qazaqstan taraby bul teplovozdy qabyldaý synaqtaryn ótkizedi.

Bıylǵy aqpan aıynda QTJ Qytaıdyń CRRC Dalian kompanııasymen 100 magıstraldyq júk teplovozyn satyp alý kelisimshartyna qol qoıǵan.

Bul Qytaı men Qazaqstan arasynda temirjol tranzıti salasyndaǵy eń iri satyp alý kelisimi bolyp sanalady. Barlyq 100 teplovozyndy 2026 jyly jetkiziledi dep josparlanýda.

Osyǵan deıin Oljas Bektenov Qytaıdyń jetekshi kompanııalarynyń ókiderimen kezdesip, 2,5 mlrd dollarǵa kelisim jasaǵanyn jazdyq.