Qytaıdyń ıntellektýaldy bilim platformasy rekord jańartty
ASTANA. KAZINFORM — Qytaıdyń Smart Education onlaın-bilim berý platformasynyń paıdalanýshylary 164 mıllıonnan asty, dep jazady Sınhýa.
Qytaıdyń memlekettik tsıfrlyq bilim berý qyzmetterin usynýǵa arnalǵan Smart Education of China ıntellektýaldy onlaın-platformasynda tirkelgen paıdalanýshylar sany 2025 jyldyń sáýir aıyndaǵy jaǵdaı boıynsha 164 mıllıonnan asyp ketti. Bul týraly Qytaıdaǵy ıntellektýaldy bilim berý boıynsha Aq kitapta aıtyldy.
Atalǵan Aq kitap juma kúni, 14–16 mamyr aralyǵynda Ortalyq Qytaıdyń Hýbeı provıntsııasy Ýhan qalasy ótken 2025 jylǵy Dúnıejúzilik tsıfrlyq bilim berý konferentsııasynda jarııalandy. Qujatta kórsetilgendeı, sáýir aıyndaǵy jaǵdaı boıynsha bul platforma 61,3 mıllıardtan astam ret qaralǵan. Platformaǵa 220-dan astam el men aımaq turǵyndary kirip kórgen.
Platforma bastaýysh jáne orta bilimge arnalǵan 110 myńnan astam tsıfrlyq bilim berý resýrstaryn, kásiptik bilim berý úshin 11,3 myńnan astam, joǵary bilimge 31 myńnan astam jáne ómir boıy oqýǵa arnalǵan 2 myńnan astam onlaın-kýrsty qamtıdy.
Aq kitapta aıtylǵandaı, platforma 51 qyzmet túrin — sonyń ishinde jumysqa ornalastyrý, emtıhan tapsyrý sııaqty servısterdi 8 negizgi sanatqa biriktirip otyr. Ol jasandy ıntellekt pen bilim berýdiń tereń ıntegratsııasy arqyly erekshelenedi.
Qazir Qytaı áleýmettik ádiletti, sapaly, ıntellektýaldy jáne barshaǵa qoljetimdi, ómir boıy bilim alýǵa múmkindik beretin zamanaýı tsıfrlyq bilim berý júıesin qalyptastyryp keledi.
Smart Education of China platformasy 2022 jyldyń naýryz aıynda iske qosylǵan. Ol oqytý, oqytý úderisi, mektepterdi basqarý jáne bilim berý ınnovatsııalary sııaqty salalarǵa baǵyttalǵan. Sondaı-aq ol álemdegi eń iri bilim berý resýrstary qoımalarynyń birine aınaldy.
Osyǵan deıin Qytaı egde jastaǵylarǵa zań kómegin keńeıtetini habarlandy.