Qytaıda zaýytta bolǵan jarylystan 5 adam qaza taýyp, 19 adam jaraqat aldy
ASTANA.KAZINFORM - Qytaıdyń shyǵysyndaǵy hımııalyq zaýytta bolǵan jarylys saldarynan kem degende bes adam qaza taýyp, 19 adam jaraqat aldy, dep habarlaıdy Euronews.
Shandýn provıntsııasy Veıfan qalasynyń ónerkásiptik aýdanynda tús aýa bolǵan jarylystan keıin taǵy alty adam iz-túzsiz joǵalyp ketti.
Qytaıdyń Tótenshe jaǵdaılar mınıstrligi oqıǵa ornyna 55 kólik pen 232 jedel qutqarýshy jiberilgenin habarlady.
Jergilikti turǵyndardyń aıtýynsha, jarylystyń qatty bolǵany sonshalyq hımııa zaýytynyń mańynda ornalasqan qoımanyń terezeleri shytynap ketken. Apattyń shyǵý sebebi áli belgisiz.
Jarylys seısenbi kúni Qytaıdyń shyǵysyndaǵy Shandýn provıntsııasyndaǵy hımııalyq zaýytta bolǵan edi.
Aıta ketelik Qytaı men Qazaqstan arasynda jańa týrıstik baǵyt ashylatynyn jazǵan edik.