Qytaıdyń Gýanchjoý qalasynda Qazaqstannyń Bas konsýldyǵy ashyldy

ASTANA. KAZINFORM — Qytaıdyń ońtústigindegi Gýandýn provıntsııasynyń ortalyǵy Gýanchjoý qalasynda Qazaqstannyń Bas konsýldyǵy resmı túrde ashyldy. Bul týraly Gýanchjoý qalalyq syrtqy ister basqarmasy habarlady, dep jazdy Sınhýa.

Onyń konsýldyq okrýgi Gýandýn, Hýnan, Haınan jáne ıÝnnan provıntsııalaryn, sondaı-aq Gýansı-Chjýan avtonomııalyq aýdanyn qamtıdy.

Jańa mekemeniń ashylýymen Gýanchjoýdaǵy shet memleketterdiń bas konsýldyqtarynyń jalpy sany 70-ke jetti.

Esterińizge sala keteıik, sońǵy jyldary elimizdiń Gýanchjoýmen saýda-sattyq qarym-qatynasy artqan. 2025 jyldyń maýsym aıynda Qytaıdyń jetekshi áýe kompanııasy China Southern Airlines resmı túrde Gýanchjoý-Almaty tikeleı baǵytyn iske qosty. Qazirgi ýaqytta reısterdiń jıiligi aptasyna bastapqy úshten beske deıin ósti.

Eske salaıyq, byltyr Osh qalasynda Qazaqstannyń Bas konsýldyǵy resmı túrde ashyldy.