Qytaıdyń gıbrıdti júk tasıtyn dron ushaǵy alǵash ret áýege kóterildi
ASTANA. KAZINFORM — Qytaıda YH-1000S atty erekshe gıbrıdti júk drony alǵash ret ushty. Bul oqıǵa Chýntsın qalasynda (Ońtústik-Batys Qytaı) ótti, dep habarlady Sınhýa dron jasaýshy kompanııasyǵa silteme jasap.
Qytaıdyń Áýe jáne ǵarysh ǵylymı-tehnıkalyq korporatsııasynyń 11-shi ǵylymı-zertteý ınstıtýtynyń málimeti boıynsha, debıýttik ushý kezinde YH-1000S joǵary qýatty gıbrıdti qozǵaltqyshpen jabdyqtalǵan.
Bul qozǵaltqysh jańa energııa kózderin paıdalanyp, kólik quraly óndirýshimen birlesip jasalǵan.
Jańa úlgi aldyńǵy YH-1000 ushaǵymen salystyrǵanda qysqa qoný-qabyldaý qashyqtyǵyna, arttyrylǵan júk kótergishtikke jáne ushý qashyqtyǵynyń ulǵaıýyna ıe. YH-1000 alǵashqy ushýyn ótken jyldyń mamyr aıynda jasaǵan bolatyn.
Bul iri júk tasıtyn drondy jobalaý kezinde álemdik naryqtaǵy áleýetti klıentterdiń qajettilikteri eskerilgen.
Ushaq halyqaralyq logıstıka men tasymaldaý, apatty-qutqarý jumystary, tabıǵı apat saldaryn joıý, aýa raıyn jasandy retteý, teńiz ortasyn baqylaý jáne teńiz sharýashylyǵyn retteý sııaqty ártúrli salalarda qoldanylýy múmkin.
Budan buryn Qytaılyq kompanııa elimizde kúrdeli gaz óndirýge 7,5 mlrd dollar ınvestıtsııa salatyny belgili boldy.