Qytaıdyń Fýtszıan ólkesi Eýropaǵa alǵashqy arktıkalyq teńiz jolyn ashty

ASTANA. KAZINFORM — Qytaıdaǵy «Halyq gazetiniń» habarlaýynsha, Fýtszıan ólkesi «Muzdaǵy Jibek jolyn» damytý bastamasy aıasynda Eýropaǵa alǵashqy Arktıkalyq teńiz jolyn iske qosty.

21 qyrkúıek kúni kúni tańerteń «Stambýl kópiri» atty konteınerlik keme Fýchjoýdan jolǵa shyqqan. Jańa teńiz dálizi arqyly Eýropaǵa bar-joǵy 19 kúnde jetýge múmkindik bar.

Atalǵan marshrýt Dalıan, Tsındao, Shanhaı, Fýchjoý, Nınbo sııaqty Qytaıdyń iri porttaryn qamtıdy. Sondaı-aq Ulybrıtanııadaǵy Felıks, Nıderlandtaǵy Rotterdam, Germanııadaǵy Gambýrg jáne Polshanyń Gdansk tárizdi Eýropanyń negizgi habtaryna tikeleı qatynaý qarastyrylǵan. 

Mamandardyń aıtýynsha, bul baǵyt Sýets kanaly arqyly ótetin dástúrli teńiz jolyna qaraǵanda 20 kúnnen astam ýaqyt únemdeıdi. 

Jańa teńiz jolynyń ashylýy qytaılyq jáne halyqaralyq kásiporyndarǵa Eýropaǵa taýar jetkizý úshin balamaly ári tıimdi jol bolmaq. 

Aıta keteıik, Qytaıda alǵash ret robot doktorantýraǵa qabyldanǵany týraly jazǵan bolatynbyz.