Qytaıdyń elektr kólikteri eksporty 120%-ǵa artty
ASTANA. KAZINFORM — Qytaıdan jańa energetıkalyq kólikterdiń (NEV) eksporty 2026 jyldyń birinshi jartyjyldyǵynda jyldyq eseppen 120%-ǵa ósip, 2,355 mln-ǵa jetti, dep habarlaıdy Xinhua.
2025 jyldyń qorytyndysy boıynsha Qytaıdyń NEV eksporty 103,7%-ǵa artyp, 2,615 mln avtokólik boldy. Bul kórsetkish eldiń jalpy eksporttyq jetkizilimderiniń ósýine negizgi serpin berdi.
Qytaılyq avtokólik óndirýshileri eksport kólemin ulǵaıtyp, naryqtaǵy geografııasyn keńeıtýdi jalǵastyrýdy josparlap otyr.
GAC Group kontserni 2026 jyldyń alǵashqy alty aıynda óz brendimen shyǵarylǵan 121,5 myń avtokólikti eksporttap, ótken jyldyń sáıkes kezeńimen salystyrǵanda kórsetkishin 132%-ǵa arttyrdy. Kompanııa 2026 jyldyń sońyna deıin eksport kólemin 250 myń kólikke, al 2030 jylǵa qaraı 1 mln kólikke jetkizýdi jáne 120 elde jumys isteýdi maqsat etip otyr.
XPENG Motors kompanııasy 2025 jyldyń qorytyndysynda eksport kólemin 96%-ǵa ulǵaıtyp, shetelge 45 myńnan astam avtokólik jetkizdi.
Onyń jartysyna jýyǵy Eýropa naryǵyna jóneltilgen. Al 2026 jyldyń naýryzynda kompanııa 2028 jylǵa deıin Latyn Amerıkasy naryǵyna shyǵýdy kózdeıtin úsh jyldyq damý josparyn iske qosty.
Buǵan deıin Qytaıda alǵash ret júrgizýshisiz avtokólikterdiń qaýipsizdigine qoıylatyn mindetti talaptar bekitilgeni habarlanǵan bolatyn.
Aıta ketelik Qytaı elge kirý jáne shyǵý tártibine jańa erejeler engizedi.
