Qytaıdyń eki parki ıÝNESKO-nyń «Jahandyq geoparki» mártebesine ıe boldy
ASTANA. KAZINFORM — Qytaıdyń eki parkine ıÝNESKO-nyń «Jahandyq geopark» mártebesi berildi. Osylaısha eldegi mundaı geoparkter sany 51-ge jetti, dep jazady Sınhýa.
Bul týraly sársenbi kúni QHR Orman jáne dala sharýashylyǵy memlekettik basqarmasy habarlady.
Atalǵan sheshim Parıj qalasynda ótken ıÝNESKO atqarýshy keńesiniń 224-sessııasynda qabyldandy. Jańa mártebege ıe bolǵan nysandar — Chjetszıan provıntsııasyndaǵy Chanshan geoparki (Shyǵys Qytaı) jáne Sychýan provıntsııasyndaǵy Sygýnıan taýlarynyń geoparki («Tórt arý taýy», Ońtústik-Batys Qytaı).
Aýmaǵy 1 043,1 sharshy shaqyrymdy quraıtyn Chanshan geoparki kembrıı kezeńinen ordovık kezeńine deıingi jaqsy saqtalǵan stratıgrafııalyq qabattarymen jáne baı paleontologııalyq qazbalarymen erekshelenedi.
Al aýmaǵy 2 764,01 sharshy shaqyrym bolatyn Sygýnıan taýlary geoparki Tsınhaı-Tıbet ústirti men Sychýan oıpatynyń túıisken jerinde ornalasqan. Munda kúrdeli qatparly qurylymdardy, flısh shógindilerin, asa bıik taýlar men granıt shyńdaryn kórýge bolady.
Osy sheshimdi eskere otyryp, Qytaıda qazir ıÝNESKO-nyń 51 jahandyq geoparki bar. Olar eldiń 24 provıntsııasynda, avtonomııalyq aımaqtarynda, ortalyqqa baǵynatyn qalalarynda jáne Sıangan arnaıy ákimshilik aýdanynda ornalasqan.
Osyǵan deıin Qytaıda álemdegi eń iri sýasty temirjol tonneli iske qosylýǵa jaqyn ekenin jazǵan bolatynbyz.
