Qytaıdyń eki ınvestory Qazaqstan kómirin tereń óńdeýge tartylady

ASTANA. KAZINFORM — Qytaıdyń eki ınvestory Qazaqstan kómirin tereń óńdeýge tartylady. Bul jaıynda Ónerkásip jáne qurylys mınıstri Ersaıyn Naǵaspaev Úkimet otyrysynda málim etti 

— Elimizde kómir qory aýqymdy ekenin eskersek, bul baǵyt shıkizattyq modelden bas tartý men qosylǵan qundy arttyrýdyń negizgi joly bola alady. Osy másele boıynsha óndirisi joǵary damyǵan qytaılyq ınvestorlarmen, atap aıtqanda China Energy jáne East China Engineering and Technology sııaqty iri kompanııalarmen jumystar júrgizilip jatyr, — dedi mınıstr.

Sondaı-aq, atalǵan salany damytýdyń jol kartasy ázirlengenin eske saldy.

— Osy jol kartasynyń aıasynda otandyq iri kómir óndirýshi kásiporyndar men ǵylymı ınstıtýttar kómirdi tereń óńdeýdiń ozyq tehnologııalaryn engizý boıynsha jumys júrgizip jatyr, — dedi Ersaıyn Naǵaspaev.

Buǵan deıin kómir óndirisiniń jańa tehnıkalyq reglamenti bekitilgenin jazǵan edik.