Qytaıdyń «Chanchjen-8» zymyran tasyǵyshy jańa ınternet-spýtnıkterdi orbıtaǵa shyǵardy
ASTANA. KAZINFORM — Qytaıdyń ońtústigindegi Haınan provıntsııasynda ornalasqan kommertsııalyq ǵarysh aılaǵynan 18 ınternet-spýtnıgi bar «Chanchjen-8» (Long March-8) zymyran tasyǵyshy sátti ushyryldy, dep habarlaıdy Sınhýa.
Zymyran Beıjiń ýaqytymen 21:32-de Haınan kommertsııalyq ǵarysh aılaǵynan kókke kóterildi.
Ol jetinshi topqa kiretin ınternet-spýtnıkterdi belgilengen orbıtaǵa sátti jetkizdi.
Bul spýtnıkter Qytaıdyń «Tsıanfan» (Spacesail) spýtnıktik júıesin qurap, kommertsııalyq ınternet qyzmetin usynýǵa arnalǵan.
Eske salsaq, osydan buryn Qytaıdyń synaqtaǵy ǵarysh kemesi orbıtalyq stantsııany jabdyqtaýǵa jol ashatynyn jazǵan bolatynbyz.
Sondaı-aq, Qytaı ǵaryshta aýrýhana salý úshin orbıtaǵa medıtsınalyq jabdyqtar jibergeni belgili boldy.
Budan bólek, Qytaıdyń eksperımenttik spýtnıktik toptamasy Aıdy tolyq zertteýge jol ashpaq.
