Qytaıdyń batysynda magnıtýdasy 5 bolatyn jer silkinisi tirkeldi

ASTANA. KAZINFORM — Qytaıdyń Shyńjań-Uıǵyr avtonomııalyq aýdanynda magnıtýdasy 5 bolatyn jer silkinisi boldy. Bul týraly Kazinform Anadolu agenttigine silteme jasap habarlady.

Qytaıdyń batysynda magnıtýdasy 5 bolatyn jer silkinisi tirkeldi
Foto: Anadolu

Qytaıdyń seısmologııalyq jeliler ortalyǵynyń (CENC) málimetinshe, jer silkinisiniń epıtsentri Shyńjań-Uıǵyr avtonomııalyq aýdany Aqsý okrýginiń Kýcha ýezinde ornalasqan.

Jer silkinisiniń oshaǵy 20 shaqyrym tereńdikte bolǵan.

Zardap shekkender men qıraǵan nysandar týraly aqparat túsken joq.

Eske salaıyq, buǵan deıin Kamchatkada 5,4 baldyq jer silkinisi bolǵanyn jazǵan edik. Jer silkinisiniń epıtsentri Petropavl-Kamchatskıı qalasynan 324 shaqyrym qashyqtyqta ornalasqan.

Onyń aldynda Iordanııanyń ońtústigindegi Akaba shyǵanaǵynda seısmıkalyq 4,7 baldyq jer silkinisi tirkelgenin habarlaǵanbyz, dúmpý kórshiles aýmaqtarda da sezildi.