Qytaıdyń atom elektr stantsııalaryna jylý bóletin 76 jınaq jetkizdik – Sátqalıev
ASTANA. KAZINFORM – Qazaqstan Qytaıdyń atom elektr stantsııalaryna 76 jylý bóletin jınaqtar jetkizdi. Bul týraly Úkimet otyrysynda Energetıka mınıstri Almasadam Sátqalıev aıtty.
«QazAtomÓnerkásip» quramyna kiretin «Úlbi metallýrgııa zaýyty» energetıkalyq reaktorlar úshin ýran oksıdi untaqtary men otyn tabletkalarynyń óndirisi boıynsha qyzmetter kórsetedi. Sondaı-aq quramynda ýran bar qıyn alynatyn materıaldardy qaıta óńdeıdi. 2024 jylǵy birinshi toqsannyń qorytyndysy boıynsha 79 tonna ýran ónimi shyǵaryldy, Onyń ishinde tabletka túrinde – 76 tonna, untaq túrindegi ýran dıogsıdi – 3 tonna», - dedi mınıstr.
Onyń dereginshe, 2021 jyldan bastap «Úlbi-TVS» zaýyty Qytaıdyń atom elektr stantsııasy úshin jylý bóletin jınaqtardy óndirý boıynsha óndiristik qyzmetin bastady.
«2024 jylǵy birinshi toqsan boıynsha Qytaıdyń atom elektr stantsııalaryna 76 jylý bóletin jınaqtar jetkizildi», - dedi Almasadam Sátqalıev.