Qytaıdyń App Store dúkeninde derektermen jumys kezindegi olqylyq úshin júzdegen qoldanba joıyldy
ASTANA.KAZINFORM - Qytaı bıligi derek jınaý júıesin buzǵany úshin 400-den asa mobıldi qosymsha men baǵdarlamalyq jasaqtama ázirleý jınaqtaryna (SDK) qarsy shara qoldandy, sonyń ishinde birqatar App Store qoldanbalaryn alyp tastady, dep habarlaıdy agenttiktiń Beıjińdegi tilshisi Sınhýa agenttigine silteme jasap.
Tekserýler 2026 jyldyń sáýirinde bastalǵan jeke derekterdi qorǵaý boıynsha arnaıy naýqan kezinde júrgizildi. Nátıjesinde retteýshiler 4000-nan asa qosymsha men SDK-larǵa habarlama jiberdi.
1000-nan asa kompanııa men uıym kemshilikterdi túzetý týraly habarlama aldy. Negizgi olqylyqtarǵa paıdalanýshylardyń maqsatty derekterdi jınaý týraly aqparatynyń ashyq bolmaýy jáne jekelendirilgen jarnamany óshirý múmkindiginiń bolmaýy kirdi.
Tekserýler aıasynda bılik bilim berý, kólik, densaýlyq saqtaý jáne qarjy salalaryndaǵy derekterdiń tarap ketý qaýpin de baǵalady.
2025 jyly Qytaıdyń Qoǵamdyq qaýipsizdik mınıstrligi keshendi kıberkeńistik pen derekter qaýipsizdigin baqylaý júıesin iske qosý arqyly baqylaýdy kúsheıtti.
Buǵan deıin Qazaqstan men Grýzııa ІІM kıberqylmysqa qarsy kúresti kúsheıtýge kelisti.
