Qytaıdan satyp alynǵan taýarlar qazaqstandyqtarǵa qalaı jetkiziledi
ALMATY.KAZINFORM – Internet saýdasynyń qaryshtap damýyna baılanysty qazaqstandyqtardyń Qytaıdan zat satyp alý múmkindigi keńeıdi. Búgin Kazinform tilshisi Ortalyq Azııa jáne qytaılyq «Jenmın jıbao» gazeti birlesken baspasóz týry aıasynda Almaty qalasynda ornalasqan «Qazpost – YTO» JShS suryptaý ortalyǵynyń jumysymen tanysyp qaıtty.
2023 jyly qazan aıynda, Memleket basshysy Qasym-Jomart Toqaevtyń Qytaıǵa resmı sapary aıasynda «Qazposhta» AQ men YTO Express Group arasyndaǵy yntymaqtastyq týraly kelisimge qol qoıdy. Sonymen qatar, 2024 jyly 2 shilde, elordada ótkne Qazaqstan-Qytaı iskerlik keńesiniń jetinshi otyrysynda «Qazposhta» AQ jáne YTO Express birlesken kásipornynyń quryltaıshylyq shartyna qol qoıyp, «Qazpost – YTO» JShS óz jumysyn bastady. Yntymaqtastyq aıasynda, «Qazposhta» AQ-nyń Almaty qalasyndaǵy suryptaý ortalyǵy jańǵyrtylyp, jańa tehnıkalarmen jabdyqtalǵan.
Eń áýeli Almatyǵa jetken taýarlar qyzymtkerlerdiń kómegimen kedendik rásimdeýden ótedi. Osydan keıin, taýar suryptaý mashınasynyń kómegimen Qazaqstannyń barlyq jerleri boıynsha suryptalyp, el ishindegi zatty tabystaý pýnktterine jiberiledi.
Suryptaý ortalyǵy menedjeri Ersaıyn Sháripovtyń aıtýynsha, ortalyqtyń jalpy aýdany 5 myń sharshy metrdi quraıdy.
– Suryptaý ortalyǵyna qytaıdyń elektrondy saýda platformasynan satyp alynǵan taýarlar keledi. Ortalyq 5 myń sharshy metrdi quraıdy. Qazirgi ýaqytta 120 jumysshy 4 aýysymmen 24 saǵat jumys isteıdi. Basty maqsat – tutynýshylarǵa jyldam ári sapaly qyzymet kórsetý,- dedi Ersaıyn.
Onyń aıtýyna qaraǵanda, ortalyqtyń jumys ónimdiligi 5 esege artqan.
– Jańa tehnologııalardy paıdalana otyryp, jumys ónimdiligi arttyryldy. Buryn adam kúshimen kúnine 5-6 myń sálemdeme suryptalsa, qazirgi ýaqytta 25-30 myń sálemdeme suryptaý múmkindigimiz bar, - dedi ol.
Sonymen qatar qazaqstandyqtar óz tapsyrystaryn úıine jaqyn ornalasqan tabystaý pýnktterinen alady.
– Almaty qalasynda 40 shaqty tabystaý pýnkti bar. Sonymen qatar, eldiń barlyq qalalarynda jalpy 100-den asa pýnkt ornalastyrylǵan. Tutynýshylardyń tapsyrysty alyp ketýine barynsha qolaılylyq jasaý basty nazarda, - dep atap ótti pýnkt qyzymetkeri Gúlına Tóleýbekqyzy.
Osyǵan deıin habarlaǵanymyzdaı, Prezıdent Qasym-Jomart Toqaev YTO Express basqarma tóraǵasy ıÝı Hýeıtszıaony qabyldap, Qazaqstan men Ortalyq Azııa elderi aýmaǵynda zamanaýı ári tıimdi kýrerlik jelini damytý máselesin talqylaǵan edi.