Qytaıdan Qazaqstanǵa ushatyn ushaqtarǵa bılet brondaý 80% ósken

ASTANA. KAZINFORM – Bıylǵy jyldyń birinshi jartysynda Qytaıdan Qazaqstanǵa ushatyn ushaq bıletterin brondaý ótken jyldyń sáıkes kezeńimen salystyrǵanda 86% artqan.

Buǵan Qytaıdyń týrıstik agenttikteriniń málimetterinen kóz jetkizýge bolady, dep habarlaıdy Kazinform menshikti tilshisi.

Jergilikti BAQ ókilderiniń habarlaýynsha, bıylǵy jyldyń birinshi jartysynda Qytaıdan Qazaqstanǵa baratyn ushaq bıletteriniń sany 86%, al Ózbekstanǵa baratyn ushaqtarǵa 78%, Tájikstanǵa 48% paıyzǵa, Qyrǵyzstanǵa eki ese ósken.

Keıingi kezde Qytaı Ortalyq Azııamen halyqaralyq áýe jelisin keńeıtý ústinde. Jýyqta China Eastern Airlines jańa «Shanhaı-Almaty» baǵytyn, al China Southern Airlines Gýandjoýdan Almaty men Tashkentke reıster ashpaqshy.

Aıta keteıik, Qazaqstan men Qytaı arasynda vızasyz rejım engizilgeli beri 2024 jyly Qytaıdan Qazaqstanǵa saparlaǵan týrıster sany 655 myń adamdy qurady, bul 2023 jylmen salystyrǵanda 78% kóp.

Bıylǵy jyldyń basynda Qytaıdyń iri týrıstik plattformalarynyń biri Qazaqstandy 2025 jyldyń bolashaǵy zor eń damyǵan baǵyttarynyń biri retinde ataǵan.

Osyǵan deıin Qytaıdyń tanymal blogeri Qazaqstan týrızmniń elshisi atanǵany týraly jazdyq.