Qytaıdan Almatyǵa týrıstik poıyz turaqty qatynaı bastady
ASTANA. KAZINFORM — Dúısenbi kúni «Qytaı — Ortalyq Azııa» ekinshi halyqaralyq týrıstik poıyzy «Sıan — Almaty» baǵyty boıynsha Qazaqstanǵa jol tartty. Bul atalǵan baǵyttyń turaqty qatynas rejımine jańa kezeńge ótkenin bildiredi.
Poıyzda «Jibek joly mádenıetiniń kóshpeli qonaq bólmesi» uıymdastyrylǵan. Munda halyqtyq qolóner jáne materıaldyq emes mádenı muramen tanysý, án men bı, tipti dástúrli qytaı medıtsınasyn tanystyrýdy qamtıtyn ınteraktıvti mádenı is-sharalar ótkiziledi.
Eske sala keteıik, byltyrǵy jyldyń mamyr aıynan bastap Sıan – Almaty baǵytynda jolaýshylar poıyzy qatynaı bastaǵan bolatyn.
Al 1 maýsym kúni Almaty-2 temirjol vokzalyna Qytaıdan kelgen «Sıan-Almaty» baǵytyndaǵy alǵashqy halyqaralyq týrıstik poıyz kelip jetken edi.
