Qytaıdan Almatyǵa kelgen týrıster sany ósti

ALMATY.KAZINFORM - Qytaıdan Almatyǵa kelgen týrıster sany birneshe ese artyp, 40 myń adamdy quraǵan. 

Almaty ákimdiginen málim etkendeı, 2024 jyldyń birinshi jartyjyldyǵynda Almatyǵa Qytaıdan 40 myńnan astam týrıst keldi, bul ótken jyldyń sáıkes kezeńimen salystyrǵanda 68%-ǵa kóp. 

Eske salaıyq, osy jazda Qazaqstan Prezıdenti Qasym-Jomart Toqaev pen Qytaı Halyq Respýblıkasynyń Tóraǵasy Sı Tszınpın 2025 jyly Qazaqstanda Qytaı týrızm jylyn ótkizý týraly mańyzdy sheshim qabyldaǵan edi.  

Týrızm basqarmasy keltirgen derekterge súıener bolsaq, 2024 jyldyń birinshi jartyjyldyǵynda Almatyǵa kelgen týrıster sany ótken jyldyń sáıkes kezeńimen salystyrǵanda 10 paıyzǵa ósip, 1 mıllıon adamnan asqan. Sheteldik týrıster sany 15,6%-ǵa artyp, 302,3 myń adamǵa jetti.