Qytaıdaǵy joıqyn sel: Toqaev Sı Tszınpınge kóńil aıtty
ASTANA. KAZINFORM — Memleket basshysy QHR Tóraǵasy Sı Tszınpınge kóńil aıtty. Bul týraly Aqordanyń baspasóz qyzmeti málim etti.
— Prezıdent Qasym-Jomart Toqaev Sıtszan avtonomdy aýdanynda bolǵan joıqyn seldiń saldarynan kóptegen adamnyń qaza tabýyna baılanysty Qytaı Halyq Respýblıkasynyń Tóraǵasy Sı Tszınpınge kóńil aıtý jedelhatyn joldady. Memleket basshysy jaqyndarynan aıyrylǵan azamattardyń qaıǵysyna ortaqtasyp, iz-túzsiz joǵalǵan jandardyń tez arada otbasyna oralýyna tilektestigin bildirdi, — delingen habarlamada.
Eske sala keteıik, kenetten bolǵan sý tasqyny Nepal-Qytaı shekarasyna jaqyn jerde kóshkin týdyryp, saldarynan júzdegen týrıst iz-túzsiz joǵalyp ketti.
Sońǵy málimetterge sensek, joǵalǵandardyń arasynda 391 sheteldik týrıst jáne 93 nepaldyq azamat bar. Nepal týrızm keńesiniń málimetinshe, iz-túzsiz joǵalǵan sheteldikterdiń arasynda Úndistannyń 134, AQSh-tyń 47, Ulybrıtanııanyń 33 jáne Aýstralııanyń 34 azamaty bar.
