Qytaıdaǵy jer silkinisinen 126 adam qaza taýyp, 188 adam jaraqat aldy
ASTANA. KAZINFORM - Sıtszan avtonomııalyq aýdanyndaǵy (Qytaıdyń ońtústik-batysynda) Shıgatsze qalasynda bolǵan jer silkinisinen qaza tapqandar sany artyp jatyr, dep habarlaıdy Kazinform Sınhýa agenttigine silteme jasap.
Seısenbi kúni Sıtszan avtonomııalyq aýdany (SAR, Qytaıdyń ońtústik-batysy) Shıgatsze qalasyndaǵy Dınjı (Tıngrı) ýezinde bolǵan 6,8 baldyq jer silkinisinen saǵat 19:00-degi jaǵdaı boıynsha 126 adam qaza taýyp, 188 adam jaraqat aldy.
Jer silkinisinen keıin Djomolýngma taýynyń týrıstik aımaǵy ýaqytsha jabyldy.
Qytaıda zilzala qurbandarynyń sany 95-ke jetkenin jazǵan bolatynbyz.
Buǵan deıin Qytaıdyń Sıtszan avtonomııalyq aýdanynyń Shıgatsze qalasyndaǵy Dınjı ýezinde magnıtýdasy 6,8 baldyq jer silkinisi bolǵanyn habarlaǵan edik.
Qytaıdyń seısmologııalyq jeli ortalyǵynyń málimetinshe, jer silkinisiniń oshaǵy soltústik endiktiń 28,50 gradýsy men shyǵys boılyqtyń 87,45 gradýsynyń koordınatasynda ornalasqan. Gıpotsentr 10 km tereńdikte.
Memleket basshysy Qytaı Halyq Respýblıkasynyń tóraǵasyna kóńil aıtý jedelhatyn joldady.