Qytaıdaǵy jer silkinisi Qyrǵyzstanda sezildi

BІShKEK. KAZINFORM – Qyrǵyzstanda jergilikti ýaqyt boıynsha saǵat 13:44-te epıtsentrinde kúshi 6,5 ball shamasynda bolǵan jer silkinisi tirkeldi, dep habarlaıdy Kazinform menshikti tilshisi. 

Qyrǵyz Respýblıkasy UǴA Seısmologııa ınstıtýtynyń aldyn ala málimetine sáıkes, jer silkinisiniń oshaǵy Qytaı aýmaǵynda, Bedel aýylynan ońtústik-shyǵysqa qaraı 40 shaqyrym, Qumtor kenishinen ońtústik-shyǵysqa qaraı 85 shaqyrym jáne Qarakólden ońtústikke qaraı 145 shaqyrym jerde jatyr. 

Bedelde jer silkinisiniń qarqyny 4,5 ball, Qumtor kenishinde 4 ball, Qarakólde – 3 jáne Bishkekte 2,5 baldy qurady.

Buǵan deıin Qytaıdyń soltústik-batysynda jer silkingenin habarlaǵan bolatynbyz. 

Eske salaıyq, Almatyda búgin, 4 jeltoqsanda jer silkindi. 

Jerasty dúmpýiniń oshaǵy Almatydan ońtústik-shyǵysqa qaraı 277 shaqyrym qashyqtyqta, Qytaı aýmaǵynda jatyr. Almatyda dúmpýler MSK-64 shkalasy boıynsha 3 ball deńgeıinde sezildi.

Almaty tótenshe jaǵdaılar departamenti ókilderi qalada tirkelgen jer silkinisine qatysty túsinik berdi.