Qytaıdaǵy jer dúmpýi: qaza taýyp, jaraqat alǵandar bar
ASTANA.KAZINFORM - Seısenbi kúni saǵat 18:40-taǵy jaǵdaı boıynsha Qytaıdyń soltústik-batysyndaǵy Tsınhaı provıntsııasyndaǵy Haısı mońǵol-tıbet avtonomııalyq prefektýrasynda bolǵan 6,3 magnıtýdaly jer silkinisinen bir adam qaza taýyp, tórt adam jaraqat aldy, dep habarlaıdy Sınhýa.
Jer silkinisi Beıjiń ýaqyty boıynsha saǵat 17:06-da boldy.
Jer silkinisiniń epıtsentri soltústik endiktiń 37,80 gradýsynda jáne shyǵys boılyqtyń 95,56 gradýsynda ornalasqan.
Tsınhaı provıntsııasynyń seısmologııalyq bıýrosy jergilikti bılik organdaryna tótenshe jaǵdaılarǵa kómek kórsetý úshin jer silkinisi bolǵan aımaqqa arnaıy top jiberdi.
Provıntsııalyq Tótenshe jaǵdaılar departamentiniń málimeti boıynsha, saǵat 18:10-da II deńgeıli jer silkinisine jaýap berý sharalary bastaldy.
Aıta keteıik, búgin Indonezııa jaǵalaýynda da magnıtýdasy 6,7 jer silkinisi boldy.
