Qytaıdaǵy jarysta Pýtıntseva taǵy bir qarsylasyn aıqyn basymdylyqpen utty

ASTANA. KAZINFORM — Qazaqstannyń ekinshi, álemniń 75-raketkasy ıÝlııa Pýtıntseva Tszıýtszıan (Qytaı) WTA 250 týrnıriniń shırek fınalyna shyqty.

Jarystyń 5-raketkasy bolyp tirkelgen qazaqstandyq tennısshi ekinshi aınalymda dúnıejúzilik reıtıngide 309-orynda turǵan qytaılyq Chjen Ýshýanmen sheberlik baıqasty.

Bul qos tennısshiniń alǵashqy kezdesýi edi.

Birinshi sette breıkti kóbirek jasaǵan Pýtıntseva 6:2 esebimen basym tústi.

Ekinshi partııada qazaqstandyq sportshy bet qaratpady – 6:0.

Bir saǵat 5 mınýtqa sozylǵan básekede ıÝ.Pýtıntseva 12 breık-poınttyń jeteýin paıdalandy. Ýshýan 2 breıkpen (5 breık-poınt) kózge tústi. 

ıÝlııa Pýtıntseva jartylaı fınalǵa shyǵý úshin álemniń 53-inshi, osy dodanyń 2-raketkasy, shveıtsarııalyq Vıktorııa Golýbıchpen talasady. 

Eske sala keteıik, budan buryn Pýtıntsevanyń Qytaıdaǵy týrnırde qarsylasyn oısyrata jeńgenin jazǵan bolatynbyz.

Sondaı-aq Elena Rybakınanyń WTA qorytyndy týrnırindegi qarsylastary anyqtaldy.